orzamentos

O BNG presentou emendas aos orzamentos da Xunta para 2024 que propuñan mellorar as infraestruturas, creación de vivenda pública e a construción dunha galescola

A fronte nacionalista rexistra emendas ao proxecto de contas do PP para iniciar o rescate da autovía AG-57, construír unha residencia de maiores, un punto de encontro familiar e recuperar a Foz do Miñor, entre outras propostas

Unha vez que a situación da Corporación Municipal mudou era a hora de que todos os partidos fosen responsábeis e esa responsabilidade máxima tiña que recaer na equipa de goberno, polo que debeu producirse unha tramitación consensuada dos orzamentos. Ninguén debería pretender aproveitar esta situación para tirar rédito partidista e moito menos bloquear o concello por revanchismo político.

Sucédese un novo capítulo sen que xurda un mínimo de responsabilidade no Goberno Municipal. Diante do afastamento dunha das súas concelleiras e ante a perspectiva dun escenario en minoría e a aprobación dos orzamentos para 2019, o Partido Popular opta por pretender privar do voto á súa concelleira discrepante por unha presunta incompatibilidade que non se propuxo até o anuncio público de abandono. Os orzamentos municipais apróbanse en Pleno Municipal por maioría, nove de dezasete concelleiros e concelleiras e o Partido Popular contando con oito semella non sentirse capaz de aprobalos

O Bloque Nacionalista Galego lamenta que unha vez máis a veciñanza de Baiona sufra a nefasta xestión do Partido Popular, xa no mes de Xuño solitaran a dimisión do Alcalde de Baiona, tras a sentenza condenatoria que obrigaba a readmitir a Ángeles Silva, cargo de confianza nomeado por Ángel Rodal. Os feitos volven a dar razón ao BNG, o Goberno Municipal está esgotado e certifica un fin de ciclo. Unha nova alternativa para Baiona debe xurdir e ser refrendada polo veciñanza.