Os resultados obtidos polo BNG en Baiona nestas eleccións galegas de 2024 son históricos. Os 2.103 apoios e máis dun 30% dos votos recibidos supoñen o mellor resultado colleitado polo BNG na nosa localidade. Así, subimos 900 votos e mais dun 10% de apoios con respecto as pasadas eleccións, sendo a segunda forza máis votada en todas as mesas electorais converténdonos claramente no referente como alternativa ao PP.

A pesares disto, o resultado foi insuficiente porque noso obxectivo era abrir un tempo novo para o país e para a nosa veciñanza cun goberno liderado polo BNG.

Tamén amosar a nosa gratitude polo grande traballo que realizaron as compañeiras e compañeiros durante toda a campaña e na xornada electoral do domingo.

Do mesmo xeito, agradecer todo o extraordinario apoio da veciñanza que con 2.103 votos danos máis forzas para continuar defendendo os intereses da veciñanza e do noso país e  traballando para un futuro mellor.